İzmirin Balçova bölgəsində polis şöbəsinə edilən silahlı hücumda 2 polis şəhid olub, 6 nəfər yaralanıb.
Sonxeber.az türk mediasına istinadən xəbər verir ki, hücum edən 16 yaşlı yeniyetmə polis tərəfindən saxlanılıb.
Hadisənin görüntülərində hücumçunun "Allahu Ekber" deyərək çantasından tüstü bombası çıxardığı, polis əməkdaşlarının isə "Vur, vur, vur" deyə reaksiya verdiyi görünür.
Şəhid olan polislərdən biri Muhsin Aydemir, digəri isə Hasan Akındir. Yaralılar arasında vəziyyəti ağır olan Ömer Amilağ da var. Hücum zamanı bir vətəndaş da əlindən yaralanıb.
Hadisəni törədən liseyin üçüncü sinif şagirdi olub və əvvəllər cinayət qeydiyyatı olmayıb.
Mənbə: https://sonxeber.az